wahitimu SAUT

Waandishi watatu wa Mwananchi wahitimu mafunzo ya Mazingira ya kibiashara

Mwanza: 

Waandishi watatu kati ya kumi waliohudhuria mafunzo  hayo yaliyodumu kwa mwaka mmoja, kutoka kampuni ya Mwananchi wamehitimu mafunzo hayo jana  yaliyokuwa yakiendeshwa Chuo kikuu cha Mtakatifu Augustine(SAUT) kwa kushirikiana na Best AC na Ansaf.

Waaandishi hao ni Stella Ibengwe kutoka Shinyanga, Mariam Juma kutoka Mwanza na Felix Lazaro kutoka The Citizen Dar es Salaam huku wengine wakiwa ni Nancymona Ijumba kutoka Redio SAUT, Moses Mathew kutoka Daily News, Suleiman Shagata kutoka Baruti, Mobin Sarya kutoka Zenji Media, Johnson Matinde kutoka Clouds Fm, Fadhili Abdallah kutoka Habari Leo na Anna Ruhasha kutoka Sauti ya Afrika.

Akizungumza katika hafla hafla hiyo fupi, naibu meneja mradi wa Best AC, Ali Mjella alisema kuwa, kundi hili ni la pili toka kuanza kwa mafunzo hayo ambayo yamekuwa na changamoto nyingi ila bado wataendelea kuyatoa kwa miaka mitano ijayo ili kuboresha sekta ya uchumi na biashara.

“Mafunzo yataendelea na uboreshwaji zaidi utafanyika kuanzia July mwaka huu na itaitwa Best Dialogue, licha ya changamoto tuliyoipata katika kundi lililopita ambao wengi walipandishwa vyeo katika kitengo tofauti kwa wao ni furaha lakini kwetu ni changamoto kwani lengo ni kuzalisha waandishi wa habari za uchunguzi  vijijini katika mazingira ya biashara na kilimo”anasema Mjella.

Naye mgeni rasmi katika hafla hiyo, mkuu wa chuo cha SAUT, Thadeus Mkamwa aliwaasa waandishi hao kutokuwa kama kengele ambayo bila kugongwa haina maana yoyote.

“Kengele aisifiwi mpaka igongwe, vivyo hivyo kwa mwandishi au mtangazajia hawezi kusufiwa mpaka alete mabadiliko katika jamii, tumeanza mafunzo July 2013 na leo Mei 23, 2014 tumehitimu lakini lengo letu kubwa ni kuona mazingira ya kibiashara yanaboreka zaidi kupitia nyie kwa kuandika habari zenye weledi na zenye lengo la kuelezea ukweli kwa takwimu”anasema Mkamwa.

Goodluck Urassa mhadhili kutoka chuo kikuu cha Dar es Salaam akizungumza kwa niaba ya wahadhili waliotoa mafunzo hayo, aliwataka wahitimu hao kuanza kutekeleza majukumu yao mara moja na kuacha ile tabia ya kila siku najipanga  kwani lengo la mafunzo hayo ni kuwekwa katika vitendo ili kuleta mabadiliko ni si kubaki katika nadharia.

Huku mkurugenzi wa ANSAF, Audax Rukonge akiwataka waandishi hao kuwakomboa wakulima ambao wanaishi katika mazingira magumu licha ya kuwalisha watu wa rika zote nchini.

“Mwandishi ni sehemu muhimu ya uchechemuzi, hivyo ANSAF wapo tayari kuwasaidia wale ambao wanahitaji msaada wa kitaalamu katika masula ya kilimo na bajeti ili kuona ni kwa kiwango gani wanaweza kumkomboa mkulima wa kijijini”anasema Audax.

Aidha katika risala ya wahitimu hao iliyosomwa na Stella Ibengwe, ilitaja changamoto zilizowakabili hivyo kuomba kutatuliwa kwa lengo la kuboresha mafunzo hayo awamu ijayo.

“Tunaomba mafunzo yajayo muongeze vipindi vya nadharia darasani hasa katika utafiti, habari za uchunguzi, uchambuzi na uandishi wa habari kuhusiana na ripoti zilizochzpishwa, uchambuzi kuhusiana na masuala ya kibiashara na mwenendo wa kiuchumi lakini pia kuweza kuwapatia vitendea kazi  washiriki kama vile vinasa sauti, tarakishi mpakato na kamera”ilisema riasala hiyo ambayo iliahidiwa kufanyiwa kazi katika mafunzo yajayo.