GERNINHO AKIONA CHA MOTO

                               

Askari waliokua wanatekeleza jukumu la kuangalia usalama katika uwanja wa Félix Houphouėt-Boigny, huko mjini Abidjan ambao ulitumika kwa ajili ya mchezo wa mwisho wa kundi la nne kati ya timu ya taifa ya Ivory Coast dhidi ya Cameroon walilazimika kutumia nguvu baada ya mashabiki kuingia katika sehemu ya kucheza mara baada ya filimbi ya mwisho kupulizwa na muamuzi Bouchaļb El Ahrach kutoka nchini Morocco.

Hali ilionkena kuwa ya mtafaruku kutokana na furaha iliyokua imepitiliza kwa mashabiki wa timu ya taifa ya Ivory Coast, baada ya kuona timu yao ikikata tiketi ya kucheza fainali za mataifa ya Afrika za mwaka 2015.

Mashabiki walifanikiwa kuvunja uzio unaotenganisha sehemu za majukwaa na sehemu ya kuchezea na kwenda kushangilia sanjari na wachezaji wa tembo wa pwani ya Afrika ya magharibi, lakini walionyesha kuvuka mipaka na kufikia hatua ya kuwabugudhi wachezaji.

Mshambuliaji wa klabu ya AS Roma ya nchini Italia Gervais Yao Kouassi Gervinho ndie alipata wakati mgumu zaidi kutokana na shabiki mmoja kumvagaa na kumkumbatia lakini furaha ilipitiliza na kujikuta akitaka kumvua nguo mchezaji huyo.

Katika hali hiyo askari walilazimika kumuondoa lakini alionekana kukaidi na ndipo alipoangushiwa kichapo kwa kupigwa na virungu.

Katika kundi la nne Ivory Coast wamepita baada ya kushika nafasi ya pili sanjari na Cameroon wanaoongoza kundi hilo, lakini Congo DRC walioshika nafasi ya tatu walifuatia kwa kupata nafasi ya upendeleo ya kuwa na uwiyano mzuri wa point pamoja na magoli ya kufunga na kufungwa kuliko timu nyingine yoyote iliyoshiriki kwenye hatua ya michezo ya kufuzu.