NIGERIA NJE AFCON 2015

                                       
                                       
                                          

Mabingwa wa soka barani Afrika timu ya taifa ya Nigeria, Super Eagles wameshindwa kufuzu kucheza fainali za mwaka 2015 ambazo zimepangwa kufanyika Equatorial Guinea badala ya Morocco walioamua kuipiga teke nafasi ya kuwa mwenyeji.

Nigeria wameshindwa kufuzu kufuatia matokeo ya sare ya mabao mawili kwa mawili waliyoyapata usiku wa kuamkia hii leo, walipocheza nyumbani katika uwanja wa Akwa Ibom, huko mjini Uyo dhidi ya kikosi cha Afrika kusini Bafana Bafana.

Katika mchezo huo kikosi cha Nigeria kilitakiwa kusaka ushindi ili kujihakikishia nafasi ya kutetea ubingwa wake kwa mwaka ujao kutokana na uwiyano wa point saba uliokuwepo kati yao na timu ya taifa ya Congo Brazzaville.

Endapo Nigeria wangeshinda wangefikisha point kumi na wangebebwa na uwiyano mzuri wa mabao ya kufunga na kufungwa, lakini imekua tofauti na badala yake Congo Brazzaville walifanikiwa kuwabanjua Sudan bao moja kwa sifuri na kufikisha point 10 huku wakiwaancha Super Eagles wakiwa na point nane.

Michezo mingine ya mwisho ya hatua ya makundi ya kusaka tiketi ya kucheza fainali za mataifa ya Afrika iliyochezwa usiku wa kuamkia hii leo kwa upande wa kundi la pili:

    Ethiopia 0-0 Malawi

    Mali 2-0 Algeria

   

Kundi la Tatu.

    Burkina Faso 1-1 Angola

    Gabon 4-2 Lesotho

Kundi la Nne

    Ivory Coast 0-0 Cameroon

    DR Congo 3-1 Sierra Leone

    Kundi la Tano

    Ghana 3-1 Togo

    Guinea 2-0 Uganda

   Kundi la Sita

    Niger 1-1 Mozambique

    Zambia 1-0 Cape Verde

   

  Kundi la Saba

    Senegal 3-0 Botswana

    Tunisia 2-1 Egypt

Kwa mantiki hiyo sasa timu zilizofuzu kucheza fainali za mataifa ya Afrika za mwaka 2015 kuanzia Januari 17 hadi February 8 huko Equatorial Guinea ni Algeria, Burkina Faso, Cameroon, Cape Verde, Congo Brazzaville, Congo DRC, Zambia, Gabon, Ghana, Guinea, Ivory Coast, Mali, Senegal, Afrika Kusini, Tunisia pamoja na Equatorial Guinea (wenyeji).