KUTOKAMILIKA VIWANJA VYA AALIANCE KUCHANGIA KUONGEZWA MUDA

Michuano ya Taifa kwa vijana wenye umri chini ya miaka 12 inayoshirikisha kombaini za mikoa yote ya Tanzania yatafanyika jijini Mwanza kuanzia Desemba 30 mwaka huu hadi Januari 5 mwakani.

Awali michuano hiyo ilipangwa kuanza Desemba 6 mwaka huu, lakini yamelazimika kusogezwa mbele ili kutoa fursa ya kukamilika kwa matengenezo ya viwanja vitatu ambayo vitatumika.

Kila timu ya mkoa inatakiwa kuwa na ujumbe wa watu 16, wakiwemo wachezaji 14 na makocha wawili katika michuano hiyo ya timu yenye wachezaji saba (7 aside).

Timu zitatakiwa kuwasili jijini Mwanza kuanzia Desemba 28 mwaka huu tayari kwa ajili ya uhakiki wa umri na taratibu nyingine za michuano na timu zote zitafikia katika shule ya Alliance (Alliance Schools).

Wachezaji wanaotakiwa kushiriki michuano hiyo ni wenye umri chini ya miaka 12, hivyo ni wale waliozaliwa kuanzia Januari 2003 na kuendelea.