Dirisha dogo la usajili barani ulaya limefugwa hapo jana usiku huku ikimshuhudia winga raia wa Colombia Juan Cuadrado akitua kwa vinara wa soka wa ligi ya England Klabu ya Chelsea kwa dau la pauni milioni 23.3 kutoka timu ya Fiorentina ya Italia.

Huku wao Chelsea wakimuuza mshambuliaji wao Andre Schurrle kwenda Wolfsburg kwa Pauni Milioni 22, na kumtoa kwa mkopo winga Mohamed Salah kwa Fiorentina ikiwa ni sehemu ya makubaliano ya kumnunua Cuadrado.
Manchester United imefanya usajili wa kushangaza kwa kumsaini Beki wa Miaka 21, Andy Kellett,kwa mkopo toka Bolton Wanderers.